我入書籍出版呢行，其實係無心插柳㗎！

我入書籍出版呢行，其實係無心插柳㗎！
話時話，當年因為想幫朋友讀咗心理輔導。大專畢業後，冇諗過做心理輔導員，但又唔知可以做啲乜，於是就憑自己嘅興趣搵工。
而我嘅興趣就好宅下，主要就係睇書同睇戲。當時我根據呢兩個興趣去搵工。當年，市道好很差，搵工好很難，前前後後搵咗大半年，都搵到心灰意冷。電影公司嗰邊冇乜聲氣，反而有間出版社市場部叫我去面試。市場部主管見完我之後，就話我適合做編輯多啲，轉介咗我去佢哋嘅出版部見助編份工，就咁樣，我拾下拾下入咗書籍出版呢行。
當年我純粹係為咗興趣，根本冇諗過書嘅出版有乜意義有乜理念。而所謂理念同意義都係我後來不斷投入呢個行業，一再深入理解這行業，才漸漸孕育出來的。
咁我都算叫做好彩，可以根據自己興趣搵到工，亦都可以一直根據自己嘅興趣做自己鍾意做嘅嘢。
諗諗下，我真係覺得上天待我不薄！感謝上主！