【真的是抵我做窮L】

【真的是抵我做窮L】話說近日睇有關黃百鳴的報道，得知他為人極無恥，所以賺到豬頭咁，就想起了早前自己有錢都唔執的事。
話說有個長者想自掏腰包出書，想交我的獨立出版社出版，託中間人聯絡我。我看過稿，發覺質素不夠班，不出版為妙，一來免得影響我檔嘢聲譽，二來免得那長者浪費金錢。與他聯絡後，始知他打算博一鋪，不過他人又老錢又不多，年紀咁大還要跟友人籌旗。我直言他會血本無歸，力勸他不要出版。多次交流後，他打消了念頭。當然，我也冇咗個job，少了一筆不大不少收入。不過，我反而心安理得。
我係想賺錢，但要過得到自己良知，以及專業要求，否則，賺得好唔安樂。
我認我真係唔夠黃百鳴啲仆街咁無恥，所以我只能安安樂樂做個窮L。